炮台山又一選擇《九份飽》

最近行過炮台山，發現咗一間台灣餐廳，餐廳嘅裝修好吸睛，突然口痕又要醫肚，所以就入咗去試吓。

餐廳裝修以台灣風格紅燈籠為主，好有台灣的感覺

雖然呢間餐廳唔係大，但係都就坐得舒服。
叫咗一款《台灣擔仔米粉》，呢碗野有鹹酸菜、蝦、貢丸、肉操同半隻蛋，非常足料，台灣米粉入口非常爽。

而我老公就叫了一碗《紅燒牛肉麵》，牛肉的做法跟出邊有點不同，驟眼看有點似牛展，湯底味濃。

小食點了一款《蚵仔煎》，分量多，又多蚵仔，十分足料，入口口感豐富。

甜品點了熱的《九份芋圓》，入口不太甜，芋圓好煙軔，熱的比凍的好吃，很有台灣的感覺啊。
因為點了麵食，所以加$10可以有一杯指定的飲品，我還加了珍珠呢，飲得之餘還有嚼勁。


兆萬另一亮點《點鍋》

冬天點樣少得去打邊爐啊，呢排同老公旺角覓食，發現兆萬中心上面有間開咗冇耐嘅<<點喎>>好值得一試。

好彩當日唔使點等，好快就可以入去，新開無耐嘅關係所以裝修都好新淨，座位舒適感覺開揚。


呢度都好環保又快捷，用電子點單，俾個讚佢先。

出邊主要係撈汁同拎嘢飲嘅地方，混醬區都好多料俾你DIY配搭，
飲品就當然有個大雪櫃任君選擇啦，款式都蠻多架，而我最鍾意飲嘅就係道地嘅各種樽裝茶系列。

先送來《海鮮拼盤》，種類都頗多，有蜆、花甲、海蝦、鯇魚片等，都已經流晒口水。

而打邊爐最緊要係個湯底啦，而我哋就揀咗《四川麻辣湯底》同《冬蟲草花雞湯底》，一面辣辣地，好易入口又惹味，另一面就啱晒我老公食，好香嘅冬蟲草味，有雞又足料。

冬蟲草花雞湯個湯底直情可以用嚟飲。

試完個湯底，當然要落了落去烚吓烚下，
我哋叫咗個頂級牛肉頸椎、炸魚皮、蝦丸、鯪魚丸、墨魚丸、黑毛豬腩。黑毛豬腩、牛肉新鮮，嫩口，炸魚皮夠脆又唔會太咸，丸類入口彈牙。


蟹柳、海蝦、魷魚都係我嘅最愛，容易烚熱之餘又新鮮。

蔬菜類嘅選擇都唔少、冬瓜片、粟米片，蓮藕片、唐生菜、淮山片，食到後期真係要食返多啲菜先至有動力。

甜品有糯米糍送，清一清走口腔嘅油膩感。

越南越愛-FUHN

今日同男朋友嚟咗銅鑼灣嘅越南餐廳食晚飯，呢間fuhn越開越多，之前都試過，所以而家去食越南野都會諗起佢。

叫咗《特色雞絲湯粉》會跟一份芽菜，大大碗嘅湯粉，除咗有雞絲，手打雞肉丸，仲有鵪鶉蛋。清清地之餘好豐富，好令人懷念嘅越南味道。

男朋友叫左<<扎肉撈檬>>，札肉入口夠彈牙，簡簡單單的一道撈檸，食得佢好滿足，

《軟殼蟹紫菜卷》，入口清新,富有層次感,軟殼蟹嘅味道突出。
飲品叫左個《椰青》及《芒果沙冰》椰青夠甜，菠蘿沙冰就更加正，可以舒緩口腔嘅油膩感之餘，又好香菠蘿味，好有夏日嘅感覺。

泰菜小店-冬蔭Noodles

平時喺尖沙咀想食泰國菜，都諗到頭爆，因為好多泰國菜都唔平，今日就發現咗一間價錢合理嘅泰國菜《冬蔭Noodles》。
餐廳座位都幾闊落同新淨。


我就點了《海鮮冬蔭湯粉絲》，冬陰湯底十分惹味，再加埋豐富嘅海鮮配料，魷魚，蝦，魚蛋，青口等，真係十分之滿足。

男友就叫左個《泰保藥膳豬骨湯底》嘅海鮮湯粉。其實兩款啲海鮮配料一樣，只不過係個湯底唔同，藥膳呢款好香中藥味，絕對係藥膳控嘅不二之選。

我哋仲叫咗兩款小食，雞翼同魚餅。雞翼煎得夠香，魚餅夠彈牙。

飲品呢度都有好多選擇啊，而我最愛就係青檸梳打，因為真係可以解一解口腔嘅油膩感。

[美食] HMV Dog

平時行街下午茶覺得某傢私既熱狗餐好抵食又好食。

不過而家發現新大陸，最適合我呢D窮人，就係HMV入面既HMV DOG餐廳喇

呢度專門賣熱狗，有貴又有平，風儉由人，但最平只係五蚊就有隻熱狗喇。

見到真係冇理由唔試呀。仲有好多醬比你免費DIY架，

睇下我，介末醬，酸瓜醬，茄汁當然唔少得喇，如果買貴少少既熱狗，仲有更多醬料揀TIM。
我鍾意黎呢度食，除左平靚正，最重要有位坐，又唔多人，舒舒服服聽住歌咁食，香港人，做咩咁辛苦呢?