北角祥發茶餐小廚@瑞士鷄脾

剛巧到在七姊妹道搵食，行到街尾，發現一間茶記，眼見門口貼了很多瑞士鷄脾得獎報導，再望望店裡，發現真的很多人在食瑞士鷄脾，望望店名，原來叫祥發。

此刻其實已經二時多，但人如輪轉，眼見十個客人，九個叫瑞士鷄脾。再望下實樣，嘩一聲，大大隻。

餐牌其實有很多瑞士鷄脾/雞中翼/翼全翼的套餐﹐花多眼亂。不過我當然係揀瑞士鷄脾套餐。去片!!!

大大隻的瑞士鷄脾，加上特製的豉油汁，一絕。

再加配上一個奄列及自選米粉(我揀左龍蝦丸)，食到飽飽。

最後還可以加2蚊轉飲紅豆冰，這是瑞士鷄脾/雞中翼/翼全翼的套餐專享優惠。
相當抵食。

尖沙咀意大利菜~DABYIDA

星期日，食完午飯，行完街。

見時間尚早，三點鐘，又係尖沙咀K11附近，就入左間裝修幾靚既意大利餐廳嘆個下午茶。

可能位置比較偏僻，人就唔算多。

剛坐低，侍應就有禮地遞上水。而我就點左兩個餐。

<<香煎帶子露筍藏紅花意大利飯-$88>>

帶子尚算大隻，不過飯的口感太硬，份量太小，不用五分鐘，小弟就把整個飯吃掉。

<<包糠焗半殼青口-$98>>

青口太細隻，冇乜肉，實在吃不到什麼味道來，98蚊的價錢太貴了(還要加一)。

最後黎一柸餐茶，凍檸檬茶，可笑的是覺得這柸茶是這一餐最好的。

來自新加坡的亞坤咖啡館

聽聞新加坡的亞坤來了香港開了兩間分店，小弟就心思思想去試。

位於銅鑼灣的新店，聽說是全球最大間的分店，而且是特約經營。

這個星期六的中午，小弟同女朋友仔就黎左朝聖，位於銅鑼灣中心地區，非常方便，但要行上樓梯，對於有BB車，行動不便者，略為不方便。

店面裝修簡單舒服，顧客付款後會收到一部圓形的機。

如下圖，而且顯示一個號碼，等了約10-15分鐘店員便會把食物呈上。

小弟叫左<<新加坡咖哩叻沙蝦麵-$42>>，蝦肉大大隻，再配上魚片，豆腐乾同半熟強。咖哩味唔會太重，但麵條就比較似香港的瀨粉。

女朋友仔就叫左<<新加坡雞肉飯-$48>>，貌似泰國的海南雞飯，但食落一點都不像，雞肉去骨，方便進食，但就味道太淡，必須配以醬料。飯的味道亦略為淡。

飲料就試左奶茶，賣相唔錯，但太多冰，飲到最後變得太淡，欠缺奶味。