適逢星期五HAPPY FRIDAY，放工同家人一齊黎朋友推薦的這間位於銅鑼灣區時代廣場後方的酒吧街樓上餐廳。位置好易位，位於商廈的廿五樓。一出升降樓就見到下面呢個咁拉斯維加斯風味的塗雅牆。
因為是星期五的關係，等了約廿分鐘先入到閘。仲要係咁啱有幾檯人走。入到去，餐廳的裝潢都好warm，好有拉斯維加斯風味。
睇下，我地就係坐係呢區喇。如果係六七個朋友仔黎食都會有長檯招呼，唔會太逼。
坐低後，檯面上會有糖仔比大家食住點餐，又或者食住等餐。
好～睇下我地叫左啲乜，第一道菜係＜帶子尤魚圈幼意粉＞，帶子及尤魚都係小弟最愛的海鮮。所以我基本上都諗唔到啲乜野挑剔。
以香草伴碟，帶子唔會太細粒，而且碟野份量都唔細，夠我地五個人食。
第二道菜係＜小食拼盤＞。叫了半份，有肉腸，炸雞翼，烤香菇，尤魚圈，烤茄子，炸薯條，都算豐富，份量夠。
一次過滿足唔同人既口味。值得一讚的是雞翼真的十分入味香口，下次一次要試下雞翼三重奏，試下三種唔同的味道。
第三道菜是＜黑松露香菇比薩＞，上到檯目測已經見到黑松露，無呃人。再夾雜香菇。一口咬落去，啖啖黑松露及香菇的道味，口感又唔會太硬同太韌。如果鍾意呢個配搭嘅朋友就非常推介。
第四道菜是＜招牌燒烤醬焗豬助骨＞，豬助骨配以著條。先說配菜著條是厚切的，也夠熱。似乎係即叫即炸的。至於豬助骨，份量大，塗上燒烤醬伴香草，口感都幾彈，而且香，燒烤醬非常入味，又唔會太硬同太韌。上檯時已幫食客按每段肋骨切開了。不過可能小弟對呢道菜抱有蠻高的要求，感覺上到檯啲豬肋骨好似唔多夠熱。扣左小小分，不過還是十分抵食。
最後一道菜就是甜品＜時令雜果窩夫＞，三塊窩夫，香口感，甜度適中。而雪糕及雜果是分開碗仔上的，不會因為窩夫的熱而加快融解雪糕。
說起雪糕，我揀了云呢拿味，廚師加上棉花糖，杏仁片，再洒上可可粉來增加口感及使到味道更多重。而雜果當晚的是士多啤梨及火龍果，水果新鮮清新。這個組合一次過滿足我多個願望。
至於飲品方面，我地只叫了柸＜芒果梳打＞，我幾喜歡隻柸，梳打夠氣，芒果味都算幾出。有助解渴，值得一試，
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
