[美食] HMV Dog

平時行街下午茶覺得某傢私既熱狗餐好抵食又好食。

不過而家發現新大陸，最適合我呢D窮人，就係HMV入面既HMV DOG餐廳喇

呢度專門賣熱狗，有貴又有平，風儉由人，但最平只係五蚊就有隻熱狗喇。

見到真係冇理由唔試呀。仲有好多醬比你免費DIY架，

睇下我，介末醬，酸瓜醬，茄汁當然唔少得喇，如果買貴少少既熱狗，仲有更多醬料揀TIM。
我鍾意黎呢度食，除左平靚正，最重要有位坐，又唔多人，舒舒服服聽住歌咁食，香港人，做咩咁辛苦呢?

[美食] 朝聖@百味堂

呢排見廣告話日賣1000支，所以今日行開呢頭就黎試下，朝聖。
黎到時真係KEEP住有人排。

今次就試下<<原味牛奶雪糕筒>>，賣相好靚，入口又滑又重牛奶味，不過比想像中快融。
48蚊呢個價錢可以接受，起碼係香港又多一個選擇。

愛食牛奶味的不能錯過呀。