平時鍾意食雞煲既我，特登放工去長沙灣食。
七點半，去到門口已經排緊隊，等左20分鐘左右，終於有位喇。
坐低就叫左個店家自創的黃芝士雞煲2-3人份量( $128)。其實呢度仲有麻辣雞煲。
等左一陣，個煲就上到黎，睇下幾多芝士同雞脾。
先講下雞塊，口感好滑，一D都唔老，事後聽侍應請先知係用雞脾及附近位置來做食材先咁
滑。 而D芝士就一D都唔少，基本上包圍哂所有既雞塊。食落口時非常入味煙軔，唔會太咸。
加上面頭落左洋蔥來吊味，聞落去都幾香。
之後叫左以下配料做配料，去片。
<<手切新鮮牛頸脊$168小>>
肉質鮮嫩，啖啖肉，再加上芝士底做醬料，十分有頭睇。比起雪花肥牛更好食。
<<魚歡喜，墨魚滑$78>>
大大碟墨魚滑再加上芝士底做醬料，非常入味，店家還用魚籽來伴碟，色香味俱全。
<<豬頸肉>>肉感唔錯，但因兩個人叫左太多野，食到最後有D食唔落
<<蜂巢冰豆腐$35>>
小弟第一次食，硬硬的放下去，軟軟的上返黎。有D似食豆腐朴。
拿~食芝士雞煲識叫一定叫<<出前一丁>>同<<響鈴>>。
叫埋<<金針菇>>同<<栗米>>是常識吧!!!
如果你係芝士控，食食下嫌唔夠喉?可以ORDER芝士片，想要多濃就落幾多。
如果嫌太重芝士易飽，加湯時可以叫店員落熱白。
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
沒有留言:
張貼留言