[美食]週末泰舒適@Namo Avant Thai Restaurant

星期六中午跟女友來到尖東海旁邊散步。

來到Namo Avant Thai Restaurant被它的裝修吸引了過去。

外面的沙發座位實在太吸引了，可以懶洋洋又可以食泰菜，想起6月中去泰國，先來這裡感受一下吧。

其實餐廳分為兩部分，一部分是室內，可以歎下冷氣。另一部份就是室外，可以吸收下陽光，吹一下自然風。

餐牌都好COLORFUL，好有泰式風格。

見呢度有lunch set當然唔可以錯過。

lunch set可以揀一款小食，我就揀左<<鮮蝦芒果米紙卷>>，一碟有四塊。

單是外觀，已經見到蝦肉及芒果肉。入口因為沙律菜的關係，十分清新爽口，但再嘴饞多兩淡，就會食到鮮蝦肉及芒果肉，很有水準。

主菜是<<Iberico Pork Ribs>>，跟一碗白飯。

豬肋骨(其實是去骨的)入口都好入味，小小辣，小小酸，用刀輕輕的切下去，很易就分開到，不過有小小筋的部位就比較難切。

肉，汁用黎撈飯真係唔錯，好開胃。

叫套餐還會有<<是日甜品>>送。

及一杯飲品，而我點的是<<青檸梳打>>，夠氣又夠清新。食泰菜點可以少左佢。

食完飯，想同女友吹下水，享受下週末，所以點左個<<水果拼盤>>來慢活一翻。

雖然唔係便宜，但係質素真係跟到個價錢。西瓜，西柚，菠蘿，紅桑子等都十分新鮮，又可以去除食完泰菜的油膩感。

----------------------------------------------------------------------------------
地址:尖沙咀麼地道68號帝國中心G18舖
電話:2739 1133
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl

[美食]好一碗雲吞麵@ 麥兆記(祖傳)廣州雲吞麵

今日同女友去左鰂魚涌公園散步，來到西灣河SOHO區的麥兆記食晚飯。

係SOHO呢間應該都算係平，就行去試下。

點了碗細蓉來食，有雲吞4粒，一口一粒，剛剛好，雲吞的蝦肉新鮮彈牙又爽口，豬肉有豬肉味，蝦肉與豬肉比例均勻，雲吞算係皮薄餡靚。麵條幼細又彈牙， 沒有鹼水味，湯底清甜。

不過相對於出面的麵店，這裡顯然比較貴及細碗。

----------------------------------------------------------------------------------
地址:西灣河鯉景灣蘇豪東A期太康街55號地下GA23-24A號舖
電話:2386 0626

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[美食] 蒸氣的浪漫@九重鮮

放工跟女朋友在紅磡逛逛，一起回憶當年讀書的日子。

來到黃埔花園，看到一直想試的蒸氣海鮮塔，於是就來試下。

這裡似係新開無耐，簡約的設計，長方形的長枱，地方闊落，非常適合一家人，三五知已一齊蒸。兩個人呢?不妨試下兩個人對住蒸氣，來個蒸氣的浪漫!!!

坐低後，每人一SET的工具。

餐牌外層是木製，內裡圖文並茂，有幾款組合給大家選擇。

最重要的是有教食客點食先算係識食。

枱隔黎有個細筒給食客放食物渣，如似蛻殼咁。

我地揀了<<首爾塔>>跟<<人蔘雞湯>>粥底，很快就先來一個大鐵鍋。

應該有半隻雞，原來還有蜆，韓國年糕及糯米。

好快，海鮮塔就黎啦。因為得兩個人，所以只有六層塔。

等緊既中途，食住泡菜先喇，墊下胃嘛。薯仔泡菜很有驚喜，入口微甜，咬下去時薯仔綿綿口感，在一眾微辣泡菜中帶來了新鮮感。

要等幾耐?就係個溫度計去到90度，之後叫職員來幫你打開蓋就得。

第一層 :象拔蚌，蟶子，還有勝瓜，蕃茄仔及菇做伴菜。

象拔蚌及聖子都又大又鮮。真係入口啖淡都係肉，而且D鮮味入哂落D殼上面既汁，飲一口，一個字「鮮」。 

第二層 : <<北寄貝>>及<<新鮮花尾龍躉>>，伴菜有菇及木耳。

龍躉冇油膩感，肉嫩又厚身。

第三層 : <<元貝>>及<<海蝦>>，伴菜有菇。

元貝係我至愛，夠大隻，肉質煙韌又新解。海蝦有四隻，都幾大隻。

第四層:沙巴肉蟹, 大花蛤, 以及大蚌，伴菜有南瓜及菇。

大花蛤及大蚌都唔錯，保持到水準夠鮮。

沙巴肉蟹對我黎講就好有驚喜，因為有好多膏，而且隻蟹又有肉感。

第五層 :<< 鮑魚>>，<<海螺>>， <<蝴蝶蚌>>，而伴菜是粟米，冬瓜，蘿蔔，蕃薯及南瓜。

鮑魚放係呢層度真係好適合，因為肉質，煙韌程度剛剛好，又咁持到鮮味，最重要係唔細隻。

海螺就可以用餐廳準備的竹籤仔黎幫助食用，口感幾彈同夠鮮。

蕃薯都好甜，有驚喜。

第六層 :食到底，最後一層就是一開始入座時揀的<<人蔘雞湯>>粥底。

職員會過黎幫手拆散D雞。

先食，好香糯米味。而因為上層海鮮的精華都隨倒汗水流到入粥底，所以粥除左有人蔘雞味，仲有好重的鮮味，不錯呀。份量其實都有四個人，所以食唔哂，最後要打包。

飲料方面叫左韓國飲品，<<韓國檸七>>及<<提子七喜>>，相信好多人都飲過。

最後將食剩的粥帶回家，珍惜食物嘛。

----------------------------------------------------------------------------------
地址:紅磡黃埔花園11期地下G26號
電話:23210188

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[走進吳哥窟] 被忽略的吳哥五件小事

去完吳哥窟，回頭一望，發現了有些事很容易被忽略。

1) Mask
吳哥窟地區塵土飛揚又多數以坐Tuk tuk車為主，唔準備返個口罩/面巾，一定食哂塵。

2) 鞋
去旅行好多人會揀一對舒適又或者心頭好去。但係吳哥窟地區主要是泥地，有些更是赤紅色的泥土。沙塵土很容易就沾上鞋子，如遇到落雨，咁你就更有機會換鞋了。

3) 隨行背包
平時去旅行都喜歡帶個背囊，不過因為呢度實在太熱，所以最好就唔好背個大背囊，否則你會有更加熱的感覺。如果有包車，最好去到景點把背囊放在車上，由司機看管，重要物品記得跟身，咁就玩得舒適。

如果唔係就好似我第一日咁，又熱又攰，戰鬥力快速下降。

4)富蘭克林不受歡迎

美金在柬埔寨比本土的貨幣歡迎。但其實在使用上印有富蘭克林頭像的一百美金很多店子都不收。因為怕你用的是假鈔，又或者是他們手上沒有這樣多零錢找換給你。

所以最好就帶多小小$1, $5, $10, $20 及$50，如果唔係只好光顧高檔鋪頭喇。

5) 肉類及海鮮

海鮮個人不太建議，因為此處位於內陸，交通及保鮮不夠發達。只有個洞里薩湖供應海產，說到底，這不是吃海鮮的好地方。

牛肉，豬肉及雞肉是這裡是常吃到的，特別是牛及雞。但因為在熱帶，又比較窮，故都不長肉，又瘦削，不要抱太大期望。

[按我回望DAY 1 大圈遊記 :http://goo.gl/GExQT6]

[按我續望DAY 2 小圈遊記 :http://goo.gl/xQx2mz]

[按我續望DAY 3 外圈遊記 :http://goo.gl/My84ow]

---------------------------------------------------------------------------------

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl