[美食] 與藝術進餐 @凡高餐廳

黎到年尾收爐日子，想同女朋友浪漫一下，食好D。

所以今次黎到位於銅鑼灣的<<凡高餐廳>>晚餐。

一出電梯已見到門口布置得很有藝術氣質，仲有一幅模仿凡高的名作<<星夜>>的仿製品。

餐廳內部的裝飾都好有情調。

呢度既晚餐有好多選擇，我地兩個都頓時患了選擇困難症。

因為我地兩個都係海鮮控，所以點了個<<二人份龍蝦海鮮拼盤>>。

主角龍蝦真係好鮮甜又多膏。

蘇格蘭的生蠔，海水味夠重，但就岩哂我個人口味。

東方螺SIZE夠哂大，啖啖都係肉。

青口方面，個人十分欣賞廚師去了腸，食落口特別鮮甜。

順帶一提，食海鮮當然要有工具喇，呢度真係俾到足，抵讚。

另外叫了的套餐先來小食<<炸芝士>>，廚師特別加了士多啤梨來吊味。

加了$28轉了呢度好出名既<<野菌忌廉湯>>。菜單說是98%野菌，原來是多達8種類野菌煮成。入口菇味非常濃郁，而且好有質感，十分滋味。

熱辣辣的餐包，用來點湯，另有一番滋味。

主菜是<<燒美國豬肋骨配蒜蓉香草醬薯角>> ，豬肋骨入口幾香, 雖然肉小d, 但就好野味。

伴碟的薯角，用了蒜蓉等來制作，入口薯蓉和蒜香味突出，十分滋味。同時亦有青瓜，黃瓜和雜菜等拌碟。因為加了黑醋的關係，也十分開胃。

套餐會跟一份Cheese Cake來劃上一個完美句號。入口帶有濃郁芝士味，仲有士多啤梨同藍莓點綴。整份甜品看起來也很有藝術氣氛。

因為我地兩個人，所以額外叫多份<<焦糖燉奶>>。面層焦糖小小甜，口感脆脆的。食落不會有膩口感，奶味幾濃郁。

餐飲方面加了$28轉<<黃昏里米尼>>。其實是一杯芒果味的雪糕梳打。 最上面是CREAM，然後是雲呢拿雪糕。有得飲又有雪糕食，一舉兩得。唯一的是飲到底會覺得有小小甜。

------------------------------------------------------------------------------------

地址:銅鑼灣軒尼詩道451-457號勝華樓2樓B室

電話:3528 1333

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=

[美食] 來自日本的煲仔飯 @ 奈良上釜

天氣轉凍，雖然女朋友想食日本野，但我又想食煲仔飯喎。

咁佢就話最近登龍街開左間餐廳可以滿足我地兩個要求既喎，食日式釜飯的<<奈良上釜>>。釜飯我真係未食過，一於見識下。

餐廳門口有一個好醒神既鳥居，好搶眼。

內裡位置雖然不多，但就好新淨，格局簡潔。

坐低後就上茶，茶杯上印上古代美女，好靚喎。

餐牌好簡單，圖文並茂。

最後點了份<<奈良七盛釜>> 及<<極上釜>>。兩款釜飯都配有前菜，煮物，冷物，茶碗蒸，味噌湯及生果等。

先來的有凍芝麻豆腐，入口有很香的芝麻味，豆腐口感又凍又滑。

茶碗蒸除了很香的蛋味，還有絲絲的菇味及黑松露味。蛋的質感也十分滑溜，加上三文魚籽，口感也變得更有層次。

煮物也十分豐富，海蝦及栗米芯是我的最愛。

仲有剌身，赤蝦，油甘魚和鮪魚各一。雖然係厚切，但不會令食到我感到好油膩感，夠哂新鮮。

主角<<奈良七盛釜>>會跟味噌湯及生果一同上盤。

食主菜先當然是先飲下湯，個人覺得湯的材料幾豐富，又不會太咸。

<<三文魚籽>>，用黎撈飯。

<<奈良七盛釜>>，打開蓋後會見到材料非常之豐富。蟹肉，海蝦，鮑魚，冬菇，日本菇，三葉，紅蘿蔔等。 食前加上三文魚籽，將之攪勻。再放入碗中食用，讓鍋中剩下的可以焗多一陣。個人最喜愛的就是鮑魚，除了大之外，仲蒸得剛剛好，入口非常之彈牙。加上蟹肉及三文魚籽撈飯的關係，令每一口飯都非常之滋味有層次。吃到尾還可以吃到飯焦，有點像港式的煲仔飯一樣。

另一主角<<極上釜>>，我也吃了數啖。

主要的材料是蟹肉，鰻魚，赤雞，冬菇，日本菇，三葉等。食法跟<<奈良七盛釜>>一樣，攪勻後，入口有絲絲的雞油香。鰻魚有兩塊，幾大塊，又唔會太甜太膩。赤雞濃郁，也十分突出。

最後，以生果盤作結，以解口腔中的油膩感。

------------------------------------------------------------------------------------

地址:銅鑼灣登龍街39號地舖

電話:3555 4111

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=

[美食] 抹茶吃不完 @京林屋

上次女朋友食完京林屋又話想搵機會再食。

因為中午時段會相對少人唔使排隊，於是今個星期六大家過開銅鑼灣，決定再食過。

今次被安排坐係有日式屏風的卡位，私人度都幾高。

正餐當然要食下熱野，<<抹茶簥麥麵>> 就是我心水之選。食入口麵條幾彈，口感不錯。同時夾著淡淡的綠茶味，配菜有紫菜及香菇仔，兩三下動作已被我消滅。


女友點的是<<稻庭麵>>，我自己試左兩口，還未喝湯已聞到陣陣香濃氣味，稻庭麵軟硬適中，而且非常入味，配上兩塊大魚蛋更加滋味。不過要提提大家麵條吸水非常快大家要快點吃呢。

抹茶控的我，叫了一杯<<抹茶雪糕沙冰>>。雪糕與沙冰同時擁有，而上面的抹茶雪糕是軟雪糕，入口滿滿的抹茶味。而底下的沙冰則慢慢待它融化，甜甜的抹茶加上沙冰，口感清新。

甜品點了冬日限定<<紅絲絨蛋糕>>。 紅絲絨蛋糕味道清新，加上忌廉芝士，紅白間，層次感十足，入口芝士忌廉非常突出。 配以抹茶雪糕，紅豆，丸子，令到整個甜品的層次昇華，一次過滿足多個味覺。

因為女友都是抹茶控，點了<<抹茶芝士蛋糕>>，芝士味非常濃郁加上抹茶的蛋糕非常滋味。

------------------------------------------------------------------------------------

地址:銅鑼灣軒尼詩道500號希慎廣場6樓603-604號舖

電話:3580 1838

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=

[美食] $190都唔使，真係好抵食呀@名朝特色火鍋

星期四晚同女朋友仔去左佐敦買野，行到九點，於是決定去試新野。

今次想食日本野又想打邊爐，於是黎左<<名朝特色火鍋>>。因為九點半會平D，所以決定排呢個時段。

坐低之後就啦啦聲出去睇下有乜野拎。行過幾個飲品雪櫃，都好韓國飲品，泰國飲品及啤酒。

之後係放各種蔬菜及麵的雪櫃，種類都真係不少呀。

到了中，日式的配料區，大家自己混醬吧。

小食吧，除左有豬紅等小食，仲有西瓜。

中式糖水都有好多選擇。

仲有西式蛋糕，藍莓芝士餅係其中一樣

焦糖燉蛋。

行過D仲有甜品吧，真係花多眼亂。

旁邊仲有爆谷及棉花糖區，真係估佢唔到。

揀左清清地既粟米豬骨湯底，就馬上拎D菜同菇滾下佢，墊下胃，因為我唔可以空肚食晚飯。

入座時加左$38蚊升級任食刺身，我最愛既松葉蟹棒，八爪魚，虎蝦，螺肉，三文魚及鮑片都有，最重要係新鮮嘛。

炸魚皮十分脆及爽口。

 打邊爐點可以冇肥牛，今次點左美國特級肥牛，薄薄的，肥瘦均勻，好易入口。

尤魚，扇具同蜆加埋落去湯底會變得更鮮。

丸類其實都有好多，不過我就鍾意魚旦，龍蝦丸，特別係牛筋丸，真係勁彈勁有口感。

鮮蝦滑及墨魚滑，真材實料，任食火鍋有齊呢兩樣野真係十分有驚喜。

仲有海蝦同花膠，海蝦雖然唔算大隻，但就好新鮮。

飲品方面，我飲左泰國既代用菠蘿汁及椰子汁，椰子汁十分推介。

韓國呢隻龍井茶都係好最愛，十分清新又解渴。

jelly都有好多選擇。

豆腐花都有，真係估你唔到。

去到最尾仲發現有個叫Appolo雪糕放題的地方

除左有四種口味雪糕，仲有三款口味的雪米糍。

夜晚9點半時段以$188食到咁都野，真係好抵食。

------------------------------------------------------------------------------------

地址:佐敦彌敦道219號莊士倫敦廣場6樓

電話:2878 8002

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=