港大附近的平民米之蓮印度餐廳Tulsi & Wine

剛過去的周日，來了港島西線一日遊，參觀過港大後，沿住般咸道，在斜坡中發現了這間米之蓮印度餐廳Tulsi & Wine。

因為小弟是七點鐘左右到步，又是星期天，所以唔使點等位就入得閘。

餐廳裝修以沈色為主，

再加上射燈點綴，帶出了一種新派高貴的感覺。
好~先叫了一個套餐來吃。
套餐都是跟湯或沙律的，最後小弟揀了是日餐湯。
湯的溫度恰到好處，帶有濃郁波菜忌廉味。

飲湯期間，侍應奉上了印度烤餅<<NAAN BREAD>>，上桌時仲熬辣辣，入口彈牙，味道反而有點似太平梳打餅，相當不錯。

再黎是主菜，我揀左<<蕃茄燒大蝦意大利飯>>
廚師已經將兩隻大蝦剥殼，方便進食，而且燒蝦都好大隻，夠肉地。
重點是意大利飯除了有蕃茄味，也帶有濃郁的酒香味。飯粒亦唔會過份溼及黏。

講到呢度，大家係咪覺得我有D似食西餐都過印度餐? 可能是新派印度餐吧，不過其實都有好多印味風味，就好似小弟加了的這道菜< chicken Tikka>。

用鐵板奉上，SASA聲之餘，仲要煙都出埋，令到我張相影到濛查查。燒到發紅的雞肉，加上用香料來調味，食之前擠一擠檸檬汁，食落口感不錯，不會太乾，又不會太"老"。其實件菜也不錯，最後我都食埋。

最後上的當然是餐飲及甜品。
餐飲我揀了凍檸茶。而甜品相當特別，波狀的殼是脆的。內有雪糕及蘋果粒。

順帶一提，場內主要是以英文落單及溝通，侍應反應快，值得一讚。

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk