炑八韓烤

今日整日都落住雨..心情抑鬱，冇辦法之下唯有出去睇下戲，食下嘢。
睇完戲，來到尖咀金馬倫道的炑八韓燒。

七點半黎到都幾多人，店面裝修都幾摩登。

坐低後，見有個二人海鮮食肉套餐$340，都好似OK喎，就試下喇。

點完餐侍應已經迅速的把桌子填得滿滿的。有沙律，仲有好多配菜，泡菜及醬料。

唔使一陣間，主菜都上檯啦~睇下就係呢一盤。突然有一刻覺得自己係一個食肉獸。

因為冇油提供，所以放落去第一樣一定要係肉，豬腩肉一定係首選啦咁。兩塊大大塊，餐廳職員會提供交剪供食客使用，同時亦會走過來教路同親手示範。

再睇下大蝦真係好大條，共兩隻。

 燒都咁上下，就用交剪剪走頭同尾，再除殼。肉質好彈同鮮。

再落帶子，多春雨。呢度D野真係好大，帶子都大大隻。多春魚又夠新鮮。

其他野如牛肋骨，牛仔骨，八爪魚及尤魚都好正，唔係度詳細講啦~自己去試下啦^^包你食到飽一飽。

PS:雖然個價錢就唔算平，但係真係物有所值。

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk