[走進澳門]兩日一夜過大海遊新濠影匯@ DAY 1

女朋友生日，唔想再留係香港，於是過了澳門hea左兩日。

香港人過馬交當然是坐船仔，生日當然要玩豪小小，於是買了TURBOJET的尊豪位$432一個人，豪一次嘆下。

嘆埋個尊豪餐就落得船，尊豪位的客人是有得優先上落船的，感覺很VIP。

<<詳情可以睇呢度http://goo.gl/EMC5DF>>

入左境，先到旅遊中心。

好~先拎本地圖防下身。

想去到邊都可以上到網，隔黎就有部售賣電話卡的自助販賣機。不過兩日一夜的我就沒有需要了，個人認為三日兩先有需要買。

第一站我地先去新濠影匯的穿梭巴士站，坐免費發財車去新開的新濠影匯開下眼界。

穿過隧道，行到最盡頭，就會見到新濠影匯的穿梭巴士站。

大集團勝在班次密，上車冇耐就開得車，而且是大巴。

十五到二十分鐘左右就到步落得車。

這裡有美食街，名店，當然還有CASINO，而商場的裝修恍惚令你置身於拉斯維加斯的街道。

今晚訂左明星匯的房間，我沒有刻意去找，只是走了約十五分鐘左右，就去到了明星匯的酒店大堂。

去到即時呆左，唔係裝修太靚太豪華。天呀，是這麼多人，才下午二時正。於是第一時間排隊拎左房先。

新酒店多人想試，排了約四十五分鐘，才可以到登記櫃位。隔黎的BB而家不耐煩，前面的大叔也悶得撩我吹水解悶。為何不是美女/__\?不過都有職員派飲料及爆谷，身旁的BB才靜下來。

可惜去到櫃位說英文的靚女服務員話未有房，起碼要等多一小時。哇沙，唯有周圍睇下先。

<<蝙蝠俠夜神飛馳>>入口，

<<魔幻間>>入口

美食街

終於行左一個鐘，去到櫃台說是有房，但係低層。不過都累了，照殺。

一開門，間房好新好靚。個落地大玻璃對住個泳池，幾好VIEW。

仲有迎賓水果，加分。

HEA左陣，就出發去睇<<魔幻間>>，分為三間房/舞台的魔術表演。不過開始前先有一個魔術師同大家熱下身。

之後就唔俾影相啦，想睇就自己去睇下啦，幾好睇架。我係KLOOK買飛每張平$60蚊，輸入邀請碼這張單再便宜$25蚊，每人平均都是$377.5，平過官方的$450一張好多耶，而且去到只而要比個電子碼佢掃一掃就入得場，好VIP，BB都讚我叻。
<<詳情可以睇呢度https://www.klook.com/zh-TW/>>

 我地睇的是五點鐘，睇完約六點半，於是坐穿梭巴士出去十六蒲酒店，再行去附近的<<六記粥麵>>食水蟹弼及鯪魚球。

<<詳情可以睇呢度http://goo.gl/CKFasN>>

食飽飽，係時間同BB返酒店.....做要做既野啦，就係睇新濠影匯的夜景，唔好諗多。

同BB一齊，其實睇乜都咁好睇啦，係咪? 不過睇完就真要熄燈覺覺喇。

[按我續看DAY 2  :http://goo.gl/unyOrl]

------------------------------------------------------------------------------------

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl