女朋友話呢排天氣又凍返，又想食蒸海鮮，我就對<<潮福>>念念不忘。
今次我地兩個人，好彩有卡位坐，一坐低就見到my old fd呢個"草帽"蒸爐。仲有碟小食，青瓜，木耳，蘿蔔，酸酸辣辣，開下胃先。
當然要快快手劃點餐紙揀組合。
我地叫左<<姬崧茸燉螺肉>>湯，真材實料，又有營養。
再來<<脆皮乳鴿>>一隻，開四份，乳鴿皮很脆很香，唔使加任何醬料都好入味。
混醬區就係出面。
侍應好快手就將煮粥用的米及料<<瑤柱鮮淮山粥>>放入個爐。
<<貝殼盛盆>> 幾分鐘就食得，蜆及北寄貝都好鮮甜，最緊要係唔會食到沙。
龍蝦，鮑魚係我最喜愛既海鮮，口感夠彈，又鮮甜。加上蒜蓉既香，真係好滋味。
四選一海鮮，我除揀左鮑魚外，另外三樣揀左<<大元貝>>，<<蘇格蘭聖子皇>> <<北韓象拔蚌>>，蒜蓉加上粉絲，真係絕配。
放題方面有多款的丸類，肉類及蔬菜類。再次推介呢度的手剁蝦丸，真係好有蝦味又彈牙，牛丸都唔好錯過。粟米真係最好食的烹調方法係蒸，又甜又健康。
蔬菜類都有好多選擇，除了粟米，南瓜，芋頭及勝瓜就是我飛佛，用蒸的方法真是十分鮮甜又健康。
肉類我最欣賞就是手切牛肉，薄薄的走肥，易入又夠嫩。反而<<手切和牛粒>>則也點失望，因為落左胡椒，令到牛的味道被遮蓋。
食到最後，集各精華於一身的弱底終於可以食喇。
其實呢鍋粥夠4-6個人食。因為海鮮精華流哂入粥入面，所以入口好有鮮味，而且都好足料下。
飲品方面是汽水，啤酒，竹蔗茅根水及韓國飲品任飲的，雪櫃自助任拎。
不過當晚比較遲去，竹蔗茅根水好快就被搶光光，好彩仲有鬼佬涼茶又解渴又清熱氣。
------------------------------------------------------------------------------------
地址:西環堅尼地城吉席街61號卿旺大廈地下及1樓
電話:25839818
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl
沒有留言:
張貼留言