黎緊就黎去台灣，今晚招喚左女友出來開個會先。
於是就揀左個可以坐耐少少又新奇既地方喇。
呢間餐廳叫做<<煮道>>，來自美國的一人一鍋火鍋店，除了是米芝蓮魔師主理，最大賣點就是用機械人送餐。
來到門口就有一個醒神的機械人迎接大家。
餐廳裝修簡約得來特別，用了鍋具來做燈，擺位也闊落。
Menu得意又有美國風，內裡圖文並茂，方便選擇。
點了餐，過了一陣，機械人小姐就慢慢地向我走過來，佢係送緊火鍋呀，
睇落非常穩陣，唔怕倒瀉。
就算有小朋友係附近，佢都會有感應唔會撞到人地。
不過要送到上枱都係要勞煩侍應姐姐。任務完成後，佢就會轉身，返回廚房。
好喇，今次我點的是大份的<<環球海鮮鍋>>，特區旗仔都十分搶眼。
不過海鮮都十分吸睛。個火都幾猛，等10分鐘左右，基本上都可以食。呢個海鮮鍋好豐富，有廣島蠔、帶子、大虎蝦、手口、墨魚仔、花枝丸、魚子丸、蟹捧、小籠包和冬菇等。雖然我揀左清湯底，但係因為係海鮮，所以都好有鮮味。總括黎講，海鮮夠鮮，丸類都彈牙可口。
而每個鍋都可以跟飯或者紅薯粉，我就揀左後者，因為貪佢比較彈牙。記得唔好最後先加落鍋呀，因為D火到時會燒愈弱，咁就要麻煩餐廳幫你加加火喇。
呢度的飲品以台式為主。不過我就點左<<清檸梳打>>，因為夠汽得黎又酸酸地，清清油膩感又可以解解渴。女朋友就揀左<<冰綠茶>>，賣相也不錯。
女友點的是<<星級精選鍋>>，牛肉絕對是賣點。除了是薄切外，入口夠哂嫩。
------------------------------------------------------------------------------------
地址:上環皇后大道西2-12 號百匯電腦城1樓A區
電話:2628 3552
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl
沒有留言:
張貼留言