[ 20 Feb 2017 ] DAY 5 @鹿兒島市
起床的時候，個天下著雨，於是就只好在附近的商店街走走看。
睇返轉頭，每次黎日本都總有最少一天是落雨的，這就是宿命吧。
原本想食某間饅魚飯的，可惜裝修三天，有夠的黑仔。於是過對面街食個<<吉野家>>食個饅魚飯算，冇失望。
買了兩日的WELCOME CUTE可以任坐市內的公車，電車，觀光巴士及渡輪。
於是在狂風暴雨下坐電車再飛的去了遠遠的GU，冇錯，係又飛的，再一次犯賤了。話時話，鹿兒島遊客區係冇GU的。
呢間GU係冇得退稅，亦唔見得特別平，今次無奈中伏了，走的時候已經停雨，不過都買左兩袋心頭好野。
出黎市區，見差唔多五點鍾又冇雨，於是就去櫻島探下路先。橫掂唔使交通任坐嘛。坐電車到碼頭，SHOW張PASS就可以上船，班次都好密。
隻渡輪勁大隻，好定好舒服，十五分鐘就到。仲有兒童區及餐廳小賣部。
今次過黎除左探下路，另外一個目的就是黎浸下呢個<<溶岩公園足湯>>，離碼頭10分鐘就行到。在櫻島火山下，又望到鹿兒島市，個景夠哂開揚。同女神係呢度談談情，浸浸腳，心曠神怡之餘又有氣氛，最緊要係冇咩人。
晚上回<<天文館>>吃食黑豚，一早已有預定的目標。我地叫左個<<六白黑豚餐>>，豚肉好正，冇得彈。
食完野就要買手信幫助消化。血拼過後又肚餓，呢個時侯決定今晚食壽司做宵夜。
八爪魚及帶子一定唔少得啦。
一場雨令我去唔到<<仙巖園>>，留待下次有機會再去。
DAY 1: [鹿兒島市]https://goo.gl/eHpacd
DAY 2: [霧島]https://goo.gl/syeMZj
DAY 3: [宮崎]https://goo.gl/6PVVE4
DAY 4: [宮崎]https://goo.gl/KZFVrV
DAY 5: [鹿兒島市]https://goo.gl/DrrPoG
DAY 6: [鹿兒島市]https://goo.gl/JkfUwN
------------------------------------------------------------------------------------
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl
沒有留言:
張貼留言