呢個六月除左好熱，仲有好多戲睇。呢日同女友睇完早場，就黎左希慎廣場間<<京林屋>>食返個中午。
朋友話京林屋搬左去12樓，所以我冇去錯。
新店既風格依然不變，以簡單的日本風為主，不過就明顯地比以前的細間了。
我鍾意食京林屋，除左好食之外，佢個餐牌真係做得唔錯，圖文並茂，揀野食就冇難道喇。
今次我點左份午飯定食<<林屋和食料理>>，賣相吸引，除了有麵豉湯，醃蘿蔔，還有焙茶飯。第一次食焙茶飯，很特別，入口飯粒有烤烘香味。
至於配菜的小食，墨魚粒沙律入口彈牙，醃魚都幾厚身。帆立具，魚仔乾用黎送飯就一流。
因為叫套餐，所以有一杯指定飲品，我就揀左<<玫瑰蘋果煎茶>>，入口冰涼，有陣淡淡的玫瑰味。
女友話佢要食呢個<<京式鰻魚飯>>，我就試左幾口。蛋絲夠多，紫菜都唔少。鰻魚係切到一小塊，入口撈飯食都幾特別，不過個醬汁跟平時吃的有小小分別，就係冇咁甜。
<<林屋抹茶芭菲>> 呢杯野好大杯。上層是硬身的抹茶雪糕球，白玉、蕨餅，CREAM及紅豆蓉。下層主要是軟身的抹茶雪糕及蕨餅等。雪糕入口真的好香抹茶味，因為材料豐富，所以口感有層次。
因為女朋友好喜愛焙茶產品，所以今次就點了一個焙茶蛋卷，入口鬆化軟滑，焙茶味濃。
加上焙茶雪糕，令到口腔更加冰涼，消暑一流。
------------------------------------------------------------------------------------
地址:銅鑼灣軒尼詩道500號希慎廣場12樓1203號舖
電話:3580 1838/2960 2925
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl
沒有留言:
張貼留言