[搵食] 難得的葡國菜@ 葡匯咪走雞葡國餐廳

平時係香港地比較少食葡國菜，不過生活總要有點新鮮先會精彩，更何況係味覺呢。

所以今次係女朋友屋企附近搵左間葡國菜<<葡匯咪走雞葡國餐廳 >>。

 

呢間餐廳當日黎到時都好FULL下，所以大家人多最好訂位。

餐牌都好有份量

 

 

點完餐後，每枱客都會送上一客餐包，是入口小小軟多多脆果種，牛油及橄欖油當然唔少得。

我地得兩個人，眼闊又肚淺，所以點左一份<<傳統葡式拼盤>>，二人份量，剛剛好。主要有四種小食，葡國香腸、傳統馬介休球、脆炸魷魚件及香脆炸雞球。我個人最愛就係傳統馬介休球，第一次食，入口小小咸，軟軟的，口感好特別。脆炸魷魚件同樣都十分可口彈牙。葡國香腸就比夠咸，最適合食得咸既人。

 

<<葡式烤乳豬>>，係今次最期待的，所以一早訂左，我叫的是1/4隻。一碟四大塊，外皮香脆，豬肉又唔會覺得好肥。 而件碟的葡式炒飯，味道微酸，撈左提子乾，都幾特別。仲跟埋沙律菜。

 

甜品點了<<葡式西多士>>，一碟八大塊，就咁睇有D似臭豆腐。不過入口就好西多士，外面小小甜，入面都幾軟。加上士多啤梨及藍莓黎伴碟，平衡返個清新感。

<<砵酒烤菠蘿>> ，菠蘿烤得紅紅的，入口多汁又甜，大推。

最後用一杯熱朱古力來完結呢餐飯，滿足。

 

 

------------------------------------------------------------------------------------

地址:尖沙咀彌敦道118-130號美麗華廣場二期1樓167號舖

電話:23923328

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[搵食] 夠氣派@ 樂天皇朝

平時女朋友最鍾情上海菜，一個月平均都會食一到兩次。
不過咁多間上海菜館，我地去得最多的就係<<樂天皇朝>>。
呢日我地又黎左銅鑼灣的<<樂天皇朝>>。

咁多間上海菜館，<<樂天皇朝>>既裝修算係有氣派。

餐單圖文並茂

個人最鍾意呢度既前菜小食，今次係溼花生配粟子呢，係我地至愛。

<<李白醉雞>>入口酒香留齒，雞肉夠嫩滑。

<<蟹粉白玉盅>>呢期新出既時令菜式，豆腐粒喺入面，亦有蟹粉同蟹肉絲，入口又香又滑。

<<蟹粉小籠包>>，入口皮薄，濃濃的蟹粉味。

<<半份話梅走油元蹄>>，入口有微微的話梅香，入口啖啖肉呢。

<<薑茶湯圓>>，熱熱的薑茶已經好吸引，而湯圓是芝麻餡，咬落去流哂出黎。

 <<檸檬蘆薈桂花蜜>> 入口有檸檬的清香及桂花香，蘆薈令到口感更豐富，十妙清甜。

------------------------------------------------------------------------------------

地址:銅鑼灣波斯富街99號利舞臺廣場6樓

電話:321770903

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[走進越南。會安] 會安古城的日與夜 @DAY 1

一直都想去越南，由申請簽證開始，呢個國家給我既感覺就係邪惡。

 特區護照必須做簽證，可以到灣仔排隊做，或者上網搵AGENT做，不過後者就平好多，去到越南先做落地簽證，收費不一。

難得請到假，唔想女神失望，穩陣D都係去灣仔每人畀幾百蚊現金做定簽證，唔似我吧。

呢次豪一次坐港龍早機，目的地是中部既<<峴港>>。

係香港兌越南盾有D難度，所以去到當地機場禁錢算，張張都好大面額，我都變左做百萬富翁，不過要留意附近安唔安全先呢。

第一日會先去世界文化遺產既<<會安>>古城，再豪一次坐的士去，車程約一個小時。

沿途有好多五星級既渡假村。仲會經過<<五行山>>，不過今次冇時間去，留個藉口等日再黎。

到達酒店，時間尚早，間房樓上就係頂樓泳池，忍唔住攤左係度小睡片刻。

酒店區主要係古城既外圍，食肆都幾多下，仲有好多士多仔。

古城外法國的風情都比較強烈，

中午飯，發現有好多越式菜係同香港既做法好唔同，甚至冇。

食完飯，慢慢走入古城散步，來到古城，會見到遠到明朝的中國建築，試想想成個城都係中國人，可惜而家已經物是人非了，但都令我彷彿來到了比大陸更純樸的中國古城。

<<來遠橋>>

 越南風情X路邊攤

 

轉眼開始入夜，古城散發出另一種風味。由日間既古城風，變成「花燈之城」，無論水燈，還是燈籠，隨處可見。

許個越式願吧。

晚上，河邊會有傳統歌舞表演，都有民間傳統遊戲。

穿過橋，在河的另一邊，係夜市，手信，食飯，飲酒都有，好多本地人幫襯。

[走進越南。會安] 會安古城的日與夜https://goo.gl/AMMVsS

[走進越南。會安] 越南的小吳哥窟 @ 美山聖地My Son Sanctuary https://goo.gl/wti25M

-----------------------------------------------------------------------------------
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl