呢排突然想食自助餐，於是就上網搵搵搵，最後搵到<<協奏坊西餐廳>>，連埋加一晚餐自助餐$320有找，不過要早五日前訂，用埋個優惠劵。
<<協奏坊西餐廳>>位於維多行亞公園對面既香港珀麗酒店，一入座就馬上倒水。枱面上都已經有咋架生等你開飯。
因為而家做緊<<龍蝦狂熱>>主題，所以每位入座都會送半隻開邊龍蝦，夠大隻又鮮甜。
食物區主要集中在一面
另一面則是西冷扒及即煮區。 呢度D西冷扒都幾大塊，入口幾韌。
隔黎既係<<巴馬臣芝士巨輪拌蟹肉龍蝦汁燴意大利飯>>
入口滋味無窮，不過我要留肚。
我重點食既係<<長腳蟹>>。大隻之餘，入口都好鮮甜，而且最重要係FILL得勁快。
蟹都好肥美，有哂工具就冇難度啦。
青口夠大隻又甜
海蝦鮮甜
魷魚圈除左香蒜蓉味，入口仲彈彈的。
刺身有四款，三文魚，吞拿魚、北寄貝及八爪魚，不過最重要係新鮮嘛。而我最愛就係八爪魚，新鮮又好口感。
龍蝦Pizza
熱盤選擇都唔少，仲有老火湯。
<<韓式芝士烤雞>>、<<日式咖哩牛面肉>>、<<香煎龍脷魚柳>>、<<慢煮蜜汁黑豚肉>>、<<芝士龍蝦麵>>、<<烤新薯>>等，選擇都唔少。
生果都有幾款，食甜品前我鍾意食左生果先，唔係會變得淡口。
甜品有西式，仲有中式，蛋糕，蛋撻、布甸當然唔少得。
最驚喜係即做既<<心太軟>>
因為即做，所以非常夠熱，令到整體味道更昇華，朱古力更熔。
飲品就熱飲可以自己出去DIY，有COFFEE同茶等。
雪糕方面就有movepick，有仲唧唧冰，對對捧。movepick一定係回本之選。
------------------------------------------------------------------------------------
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
沒有留言:
張貼留言