[搵食] 出色酒吧菜@彌敦左岸

呢日想搵個地方同女友食下飯傾下計，於是黎左尖咀酒吧區搵食。
今次就黎左<<彌敦左岸>>。

除左地下，仲有一樓，一樓既環境正好多，每晚八點半仲有live show。

餐牌分開左食物同飲品，酒吧嘛，不過食落原來好出色。

先來的是<<阿拉斯加皇帝蟹肉牛油梨卷伴芒果雪葩>> 賣相好吸晴，色彩豐富。牛油果切成片狀，配皇帝蟹肉，r味道非常夾。 仲有數片芒果肉，夠甜。 加上皇帝蟹腳蟹肉入口鮮甜，加了不少分。最後要讚的是芒果雪葩，十分清新。呢道菜一次過滿足我好幾多願望。

<<脆香雞翼配泰式辣醬>> 一碟六隻，外脆內嫩，加埋泰式辣醬，十分惹味。

<<手拆鮮蟹肉蟹粉粟米意大利飯配低溫慢煮烤黑毛豬腩肉>>，熱騰騰既意大利飯加上蟹肉蟹粉入口真係好juicy好鮮。加上外層脆卜卜既黑毛豬腩肉，令到整碟菜十分出色。

<<法式綠茶拿破崙伴紅莓雪葩>>脆卜卜的千層酥加上綠茶醬，多到醬哂爆出來，入口甘香濃郁，加上紅莓雪葩，清新既口感，作為飯後甜品一流。

飲品叫了BC PUNCH及PEACHY COCO兩款mocktail。兩杯野杯都有得飲仲有得食，BC PUNCH 個人最欣賞，因為SODA夠氣之餘，仲有陣陣既檸檬味，好有口感剌激。

------------------------------------------------------------------------------------

地址:尖沙咀赫德道5-9號德裕中心B1層
電話:23691333

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[搵食] 有創意，我鍾意@名館 (中環)

呢個星期日難得同女友黎到中環，行下古蹟群，不過出發前先食返個飯先。
我地由石板街出發，所以就揀左<<名館>>。

裝修都幾別緻

坐低無耐，店員會送上蕎麥茶。飲落口，陣陣蕎麥穀香味，加分。

不過最吸晴都係呢一包溼紙巾，有創意，我鍾意。

睇完餐牌，好似平時飲茶咁，自已劃返要D乜就得。

先來的係<<亞瑪遜椰子川具炖鱷魚>>

呢個湯值得推薦，因為真係好入味又補身。先飲湯後食肉，鱷魚入口既口感原來有D似雞肉的。

<<厚切叉燒皇>>，肥瘦均勻，入口有嚼勁。

<<自製菌皇醬蒸腐竹>>女朋友好鐘意，有大量腐竹畀佢呢個腐竹控食，清清地，又健康。

<<老鼠愛大米>>西米做外層，晶瑩剔透，又可愛。食落口，入面有雞肉餡料及眉豆粒等。口感有層次，呃LIKE之選。

<<私房黃金泡飯>>呢個都好特別，食之前要將湯倒在飯球上，然後壓碎佢。兩個人食，好足夠呢。等飯均勻地沉入湯，就可以食。入口都有小小硬，但非常香口。而且用料豐富，湯底口味出色。鍾意食泡飯既你可以一試。

甜品點左半份<<麻雀十三么>>，呢碟甜品其實係椰汁糕做主體，而後面係薄薄既桂花糕。前面就貼上糯米紙做成既唔同「麻雀」圖案，再加上用糯米紙做的一張美金及人仔，像真度十足，呃LIKE首選。

------------------------------------------------------------------------------------

地址:中環擺花街1-7號1號廣場1樓
電話:21800768

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[搵食]香港都有香香雞食@繼光香香雞

<<繼光香香雞>終於殺到來香港，想念係台北食過的味道，所以今日經過就去潮聖。

裝修都好台式，畀完錢就等叫號碼。

等左十分鐘左右就拎得，外賣帶到公園跟女朋友開餐。

飲品點左<<水果冰茶>>及<<鮮泡冷茶>>，前者入口有點飲綠寶橙汁既味道，後者淡淡的茶味，可以清清口腔的油膩感。

<<胡麻辣雞翼>>，小小胡椒辣味，外脆內嫩。

 

 <<香香炸雞>>，入口香口，令人難忘。

<<澎湖花枝丸>>，入口夠彈，好有台灣的味道。

 

<<蒜脆杏鮑茹>>未入口已經好香，入口好juicy，多汁。

 

<<田園洋蔥圈>>，都幾大份，味道不錯。

 

------------------------------------------------------------------------------------

地址:元朗青山公路34號地下C舖
電話:25959009

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[搵食] 露台真係一流@泰斗

已經半年冇去泰國，所以今日搵左個環境好D既地方同女朋友黎享受一下泰國菜。
今次就黎到海防道既<<泰斗>>，原因好簡單，就係畀佢個露台吸引左。
出左升降梯就已經見到個大露台用餐區，當然都有室內。

其實係半露台，不過都坐得好舒服，加上出面既大樹及音樂，真係好relax。

餐牌圖文並茂，方便我地搵食。

兩個人點了細份的<<小食拼盤>>，份量都唔少，單骨雞翼、春卷、蝦餅同魚餅四款代表。我個人最愛就係蝦餅，因為夠熱之餘，夠蝦味同彈牙，聽講仲係自己打既。 雞翼都好細心，幫你剪開兩邊才去炸，方便入口。

<<鹽燒側魚>>，呢個菜我平時去泰國都會叫。

因為鹽燒關係，皮上面會有好多鹽，而餐廳好細心已經幫我地切開左魚皮。魚肉入口夠嫩又夠滑，加埋個醬就係惹味，兩個人食，剛剛好，推薦。

<<辣椒膏炒老虎蝦>>， 小小辣，夠惹味。老虎蝦夠大隻，仲幫你開埋邊，夠哂細心。

食完當然要點返個甜品，兩個人點左份<<自選特色雪糕球>>，有六款味揀，我就揀左豆腐同草莓味。上到黎，個外款都幾吸引，岩哂情侶點。

飲品方面點左<<芒果沙冰>>，我就覺得冰涼好正，仲好有芒果味，清哂口腔既油膩感。不過女友話有小小甜。

 ------------------------------------------------------------------------------------

地址:尖沙咀海防道38-40號中達大廈4樓全層
電話:35655446

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[搵食] 秋天食烤魚真係唔錯 @十二味不只是烤魚

呢排天氣突然轉涼，女朋友提議食烤魚，係銅鑼灣行過天后就有間叫<<十二味不只是烤魚>>，以前成日經過覺得個名好搞笑，今次就決定入去試下。

呢度裝修都幾時尚，同平時食烤魚地方有Ｄ分別。

餐牌一張過，夠方便。

水杯夠哂特別，而且仲係熱檸檬水黎。

今次因為係為烤魚而來，所以點了＜＜江團魚＞＞，味道揀了蒜香味，因為未試過呀嘛。等左一陣，餐廳已經將條魚分半，而且已經係熟左。

因為係蒜香湯底，所以都幾香。江團魚入口唔會有好多骨，屬於無骨之選。而家入口魚肉都好滑，仲好肥美。

叫埋＜＜炸魚皮＞＞，入口好脆，好似食薯片咁。

加多碟肥瘦均勻既＜＜加拿大肥牛＞＞就剛剛好。

飲品叫左罐<<烏龍茶>>，清清口腔油膩感又冰涼。

女友叫的＜＜桂花冰釀＞＞，幾特別，小小酸，可以一試。

 ------------------------------------------------------------------------------------

地址:天后興發街62-74號美城花園地下L舖

電話:53491898

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl