[走進中國。堔圳] 距離香港最近的古城 @大鵬所城

作為一個熱愛旅遊的香港人，平時鍾意睇下山睇下水，參觀古城市集。國內既古城近年都去了不少。雲南的大研、束河及獨克宗古城。貴州的青岩古鎮及千戶苗寨。福建的南靖土樓群及北京的南鑼鼓巷等。
但係有一次諗諗下，究竟香港附近有冇古城呢?最近朋友就話有一個，就係大亞灣附近既<<大鵬所城>>。咁近? 當然要馬上吹雞，叫班老友，隔日就出發，來個堔圳古城一日遊。
我地先從堔圳北站汽車總站坐10蚊人仔，車號E11，入大鵬中心。車程一個半小時，全程冷汽開放，好抵玩。
黎到大鵬中心，正值中午，是是旦旦搵一間小店食左碗牛丸粉，成七粒牛丸，多謝您十五大洋。當我以為好抵食之際，對面既老友碗雙拼牛丸加豬什都係15蚊....馬上無言。

係大鵬中心轉M471，車費2蚊，車程15分鐘左加就到古城門口附近。

落左車行100米就到城門口

我地到達既係南門入口

穿過南門，就係主要既南門街

十字街

 博物館星期一休館

 不過仲有個獨木舟館，似乎好多港客，因為現場都有唔少港幣。

轉入正街(西門附近)

天后宮

西門既城門口比較細， 帶頭大佬可能被狗吸引，竟然迷了路。

接住行到北門一帶，有一個廣場，好多人寫生，其實古城到處都係。

 南門西門都不能行上城樓，難得北門可以行上去睇下。

 如果可以上到東南門望下，景色都應該唔錯。除左寫生，都有人來影結婚相。

大白象

最後來到東門，可以上去城樓。

城樓上竟然有間茶館，可以飲杯飲，風景也不錯。

沿東門巷走，會見到侯王府及將軍府

點解清乒兵胸口唔係個「勇」未?

最後走回南門，完成左今次既古城之旅? 當然未，難得來到，當然仲有下場。

從大鵬中心有大巴H92號，直到東門，多謝您十個大洋，車程一小時。

從東門轉戰<<京基100>>

今晚另一景點係來食<<南京大排檔>>

論環境呢度真係幾有FEEL，不過大陸食野真係仲嘈過香港。

三個人叫左好幾樣菜， 份量都唔少，味道都唔錯。

重點係埋單時，每人只係七十七個大洋，回望而家香港既新派冰室，食個晚飯都差不多一百大洋，無奈。
總結成個行程用左唔使二百人仔，好得抵。而且古城保存得相對純樸，冇用什麼艷遇來吸客。

-----------------------------------------------------------------------------------
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl