趁就新年，去左深水步買電腦配件。就係黃金商場，女朋友話見到<<潮福蒸氣石鍋>>，就話上次食完好正，今次要求再食，為猴年劃上一個美麗的句號。
今次我地兩個人坐圓枱，"草帽"蒸爐已經等緊我地呢。
真係忍唔住手，點餐喇喂。
外面有混醬的地方，趁等緊食，先出去DIY先
我揀的粥底係<<瑤柱鮮淮山粥>>，侍應就上左煮粥用的米，瑤柱及淮山。
同時湯好快就上埋，我叫的是<<姬崧茸燉螺肉>>，大大個螺肉，十分足料，又有營養。
<<脆皮乳鴿>>一隻，切開四份，乳鴿的皮入口又脆又香口。
先蒸的是<<貝殼盛盆>> 數分鐘就食得，
青口，花甲及東方螺都好鮮甜，唔會食到沙。青口仲要幫你去埋腸。
龍蝦夠哂多肉，加上蒜蓉既香，入口肉質鮮嫩，真係好滋味。
四選一海鮮我揀左鮑魚，蟶子皇，象拔蚌及大元貝。
鮑魚大大隻，入口鮮嫩又彈牙。
蟶子皇，大元貝及象拔蚌都配上蒜蓉及粉絲，入口又鮮又香蒜蓉味，真係最佳既組合。
放題方面就可以叫多款的丸類，肉類及蔬菜類。真係又要特別推介呢度的手剁蝦丸，好有蝦味又彈牙，還有牛丸及鯪魚球也十分值得推介。
肉類手切牛肉就最岩我食喇，薄薄牛肉的走肥，岩哂我胃口。
蔬菜類而言都有好多選擇，雜菜，粟米，南瓜，勝瓜等，用蒸的方法真是十分
鮮甜又健康。
最後當然係食蒸了成晚又吸收哂D精華的粥底喇。
可以分到6碗。因為海鮮的精華都流哂入粥裡，所以入口都好有鮮味。今次蒸多了蔬菜，所以明顯地粥比上次一食的稀，入口綿了不少。
至於飲品方面是汽水，啤酒，竹蔗茅根水及韓國飲品任飲的。
竹蔗茅根水又解渴又清熱氣。
------------------------------------------------------------------------------------
地址:深水埗欽州街94號黃金商場1樓全層
電話:2811 9918
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl
沒有留言:
張貼留言