來到二月，呢排天氣真係好凍，真係手痕想食下燒烤。
今次咁岩同3位朋友仔食開年飯，於是就揀左今銅鑼灣<<尚鮮日式燒肉漁市場>>。
餐廳位於大廈三樓，一出電梯就見到個好醒目既招牌。
我地揀左八點半時段，真係好多人排隊等緊位(呢張係臨走時影的)。
坐低侍應會細心咁教我地操作平板電腦來落單，十分環保及方便。除了右一食物及右二的酒精飲品兩個種類，基本上是全部任點的。而每點一個數量代表一塊，大家要記住呀。
今期餐廳做緊優惠，只要晚飯時段有四個人去食，就會送個四人份量的「尚鮮浜燒」海鮮燒烤拼盤，真係好抵呀。有波士頓龍蝦，大海蝦，大扇貝，生蠔等，見到都好壯觀。
先燒生蠔及扇貝，可以加一點清酒，調一下味道及水份。生蠔及扇貝入口都非常JUICY及新鮮。
龍蝦餐廳已經幫你切到一舊舊，方便我地燒同食。
入口多肉，肉質有層次。
海蝦都唔錯，我個人喜愛燒耐一點，因為入口會比較香口及好吃。
等緊燒野食既同時，當然就是食刺身。種類都好多選擇，鮑片，三文魚，八爪魚，帶子，希靈魚，甜蝦及松葉蟹棒等，我最愛就是帶子，八爪魚及松葉蟹棒，全部都好新鮮。
小食都有好幾款，我叫左中華沙律，"索索聲"好爽。
燒肉方面，牛肉當然唔少得，點了一口牛粒及梅花肩甲等。一口牛粒入口好有水份，令到口感昇華不少。肩甲就比較易熟，入口牛肉好嫩。
同時放了盤<<蒜香金針菇>>，打開錫紙已經聞到有好香既蒜蓉味，食落去金針菇"索索聲"加蒜蓉香，口感及味覺都好爽。
雞翼及牛舌都唔錯既選擇。朋友特別喜歡牛舌，一口氣一個人吃了大部分。
燒菠蘿真係好多汁，入口又甜，十分JUICY。
壓軸加錢來一份了鮑魚，點了四隻。上枱時仲好生猛，真係好新鮮呢。因為夠哂大隻，所以入口啖啖都係肉，夠哂好滿足。
至於甜品及飲品方面都是自助的，自己出去雪櫃拎。
呢道主打韓國飲品及汽水，
甜品我就試了JELLY
食到最後仲有每人一盒Movenpick，我地就揀左panna cotta及vanilla dream，口腔頓時清新不少呢。
--------------------------------------------------------------------------------------
地址:銅鑼灣謝斐道496號金利文廣場3樓
電話:2117 4267
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl
沒有留言:
張貼留言