[走進中國。雲南] 世外桃園雨崩@ 香格里拉 DAY 6

<<飛來寺>>最重要的景點並唔係飛來寺這一座廟，而係站於觀景台睇日照金頂。即係日出時，太陽光射進梅里雪山群，跟白雪輝影的美景，據聞要人品好先會睇到。
為左睇呢個大自然景象，大家四、五點就要起床。

清晨天氣真係好凍，好多驢友連被都帶埋黎(我真係估佢唔到)，可惜今日大家人品都唔好，睇唔到此景象。

失望之餘，還是快點吃早餐。講真，高海拔山區真係冇乜好食。吃過早餐後，將笨重既大背包寄存於青旅，只帶了兩日一夜所需的用品。一大班人，包了數架四人車出發雨崩村，每人夾20大元，感覺我而家似個探險家。

飛來寺到雨崩，有兩條路，一條經<<西當>>通往上雨崩，另一條經<<尼農>>通往下雨崩，兩條路都行唔到車，所以徒步是必需的，如果從西當上，可以付三百大元騎驢仔。但個人覺得，騎最少七小時係俾錢買難受，當真騎了的話，屁股也會開花的。
車隊選擇了從<<西當>>入，在前往西當途中，是一條懸崖爛路，我真心覺得架車有機會衝左落去。

<<西當>>入口

因為雨崩村的物資都是靠外面供給，所以我們會不停見到有很多驢仔迎面而來，風塵滾滾。

係高海拔行山，真係比係香港難幾倍，感覺係冇氣同冇力行上去。加上呢段路係不斷都係大坡度甘斜，要不停地休息。係呢段路，基本上係爛路一條，大家只要跟住路上面既驢屎、垃圾桶、及通往雨崩的電纜，一直行就到。
途中只有一個補給點，可以係度食杯麵、煎餅又或者炒飯做中午。不過講真，我除左杯麵都冇乜胃口。

過了補給站，行多一到兩個鐘左右，會到達<<啞口>>，代表已經接近雨崩村了。

到達<<啞口>>，開始會見到雪山

可惜的是天氣不太穩定，隨了遠方吹來的雪花，也不時有微微雨。

新朋友-來自深圳的葉生，路途上有很多廣東口朋友。

進入雨崩村以下坡為主。

雨崩村分為上及下兩條。從西當入會先到<<上雨崩村>>。 當我地睇到<<上雨崩村>>，時間約為下午五點鐘了。

但路仍然難行，大師好高強著帆布鞋。
雨崩前的驗票關口，仲要買入村費，真係坑爹。同時亦會叫你買份五大元的保險，拎回鄉證都係果句「算把啦」。
入到去都有好多客棧，我地最後揀左<<如家客棧>>。Ann跟趙姑娘到步就馬上躲在房間，好似聽暈Ann姐唔舒服。

在客棧平台望出去風景都唔錯，只係天氣差左啲，令到世外桃園失色。同時，我都開始擔心聽日如果落雨，仲可否出村?因為後日要坐飛機回昆明呢....
聽聞同我地同車隊的隊友已經自己揀左唔同既客棧，有啲更加去了<<冰湖>>，真係太強了。

來到客棧其實已經冇左半條命，所以等晚飯前先玩下貓咪吹下水。

山區地方真係冇乜肉食，碟碟都係菜，真係補充唔到乜野體力，只好早點睡吧。

被鋪尚算乾淨舒服，仲有發熱氈。不過夜晚開左發熱氈都好凍。可憐既女神，隔日早上話我知佢張發熱氈係壞既，凍左成晚。我心想，點解唔同哥哥瞓呢XD

來一張房間窗口拍的夜景吧。呢一刻，我瞓係床上既心情只可用以下一句詩來形容。
「床前明月光，疑似地上霜，舉頭望明月，低頭思故鄉」多謝李白!! 我真係好掛住香港啲美食阿。

[走進中國。雲南] 尋找課本上的花潮 @ 昆明 DAY 1 https://goo.gl/77u17h

[走進中國。雲南] 跟著茶馬古道走 @ 麗江古城 DAY 2 https://goo.gl/hf6o8X

[走進中國。雲南] 來到月光古城 @ 香格里拉 DAY 3 https://goo.gl/gX35Wi
[走進中國。雲南] 雨崩遠征隊組成 @ 香格里拉 DAY 4 https://goo.gl/dDmSsT
[走進中國。雲南] 飛來寺大本營@ 香格里拉 DAY 5 https://goo.gl/M9JQUY
[走進中國。雲南] 世外桃園雨崩村@ 香格里拉 DAY 6 https://goo.gl/DW4aS8
[走進中國。雲南] 逃出雨崩12小時@香格里拉 DAY 7 https://goo.gl/FUoMLM
[走進中國。雲南] 日照金頂@ 香格里拉 DAY 8 ,9 https://goo.gl/QaG72b

—————————————————————

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[搵食] 太古都有得食喇 @京林屋

呢個八月真係好熱，今次同女友睇完戲後，黎左太古城食新開既<<京林屋>>。

新店既風格不變，以簡單的日本風為主，而且落地大玻璃，感覺也十分時尚。

 京林屋的個餐牌真係做得唔錯，圖文並茂，揀野食就冇難度喇。

我點的定食是<<林屋和食料理>>，賣相豐富吸引，有麵豉湯，醃蘿蔔，還有焙茶飯。食焙茶飯，味道香口，入口飯粒有烤烘香味。

至於配菜的小食，墨魚粒沙律入口彈牙，醃魚都幾厚身開胃。帆立貝，魚仔乾用黎送飯一流。

因為叫套餐，所以有一杯指定飲品，我就揀左<<焙茶朝薰>>，入口冰涼，一解油膩感。

女友話佢要食呢個<<金目鯛定食>>。定食同樣跟有麵豉湯，醃蘿蔔，還有焙茶飯。

焙茶飯，味道香口，入口飯粒有烤烘香味。

我就試左幾口金目鯛。金目鯛切成三大塊，入口小小甜，我覺得唔錯。不過女友話偏肥。

套餐的飲品揀左熱的<<桃味焙茶>>，入口除左有一陣陣的桃味，也有焙茶的質。

店員也會附上教學圖

我自己喜愛抹茶產品，所以今次點了一個<<抹茶蛋卷>>，入口鬆化軟滑，抹茶味
濃得來又不會太甜太甘，丸子也十分煙韌。

加上抹茶雪糕，令到口腔更加冰涼。

女朋友好喜愛焙茶產品，所以今次點了一個<<焙茶蛋卷>>，入口鬆化軟滑，焙茶味濃，丸子也十分煙韌。

加上焙茶雪糕，令到口腔更加冰涼，消暑一流。

------------------------------------------------------------------------------------

地址:太古太古城道22號明宮閣地下G406號舖

電話:26383698

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl

[走進中國。雲南] 飛來寺大本營@ 香格里拉 DAY 5

因為約了司機大哥及兩位新旅伴早上8點在火鍋店門口等。同行的大師7點多已在趕羊仔似的，非要我們快點梳洗整理，不要給兩位美女等，彭生傳話大師很心急說喔。
係係係，準時係美德，去到司機大哥臨時話要換人。我地當堂窒左窒，這個大哥樣子也似出來撈的，不老實。

最後換了個樣子老實的，包了架七人車，開價八百大元，車程六到七個小時。雖然係長途車，但沿途風景很美。聽聞途中不可睡否則會高反，但我就瞓左一半車程，信不信由你。
我地會先經<<德欽縣>>，聽司機大哥講，呢度係四川，西藏及雲南的交界了，海拔也在三千三米以上。

補充一句，飛來寺、雨崩等地在<<梅里雪山國家公園>>內的，所以要買飛入場的，每人二百三十大元，好貴呀。聽售票的說，有人為了逃票晚上爬雪山，結果一命嗚呼!!!

唔理係咪靠嚇，全票230大元走唔甩，也可以加十幾廿蚊買保險。不過見佢是旦留個名，對於我地呢D拎回鄉證既都係算把啦。

在售票處不遠就係第一站<<金沙江景區>>。這也是全票的其中一個景區，梅里景區的關口，記得要袋穩張飛，因為每個景點都會驗票，而且一定要全套買而不可分景區再買。為何我會這樣強調？因為......一陣再說吧，哈哈。

可能係因為旱季關係，金沙江似乎都唔係好澎湃，不過山川壯麗係真的。

拍一張來紀念吧

經過<<金沙江景區>>梅里雪山群也開始不停的出現係我眼前。說真的，我真係第一次見到咁多座雪山，溫度都降了不少。

天氣凍，在暖暖的車廂入面更想瞓陣

包車的好處就是車途可以下車

經過白馬雪山

好快就黎到第二站<<霧濃頂觀景台>>及<<迎賓十三塔>>。 呢度都係要驗票的喔，大意的旅伴大師就是在這丟了二百三十大元的，相信比趺落山更痛呀!! 喂，會唔會係太大風把門票也吹走了。

慈雲山十三太保

迷失在經幡中

最後ANN姐佢地提議入住飛來寺的國際青旅，一個床位45大元。呢度海拔3,750米，所以門前的一段小斜坡我也行到索哂氣。
不過值得一提，我地拎回鄉証呢度竟然要填入藏紙。

認識新朋友也是旅途中寶貴的一事。

住青旅既好處就係好易識到一班朋友，所以我地一齊去食中午飯囉。

飛來寺除了在觀景台睇梅里雪山的日照金山，及附近的一座真正的<<飛來寺>>，已經沒有什麼的景點。不過呢個位置重要在於是入<<雪崩村>>的中途站及補給站。

櫻花樹下。

我的第一次青旅就獻畀你啦，男女同房，半夜我唔小心拍錯女驢友，佢又肯跟我出去影星星。

晚上是有熱水限時供應的，大家要趕快沖洗。來到咁凍既地方，都係打邊爐最實際。

晚上去了影夜景，雪山加上星星，雖然好凍，但是值得的。

因為呢度乜都冇，大家都係早點睡，明天開始要遠征雨崩村。

[走進中國。雲南] 尋找課本上的花潮 @ 昆明 DAY 1 https://goo.gl/77u17h

[走進中國。雲南] 跟著茶馬古道走 @ 麗江古城 DAY 2 https://goo.gl/hf6o8X

[走進中國。雲南] 來到月光古城 @ 香格里拉 DAY 3 https://goo.gl/gX35Wi
[走進中國。雲南] 雨崩遠征隊組成 @ 香格里拉 DAY 4 https://goo.gl/dDmSsT
[走進中國。雲南] 飛來寺大本營@ 香格里拉 DAY 5 https://goo.gl/M9JQUY
[走進中國。雲南] 世外桃園雨崩村@ 香格里拉 DAY 6 https://goo.gl/DW4aS8
[走進中國。雲南] 逃出雨崩12小時@香格里拉 DAY 7 https://goo.gl/FUoMLM
[走進中國。雲南] 日照金頂@ 香格里拉 DAY 8 ,9 https://goo.gl/QaG72b

—————————————————————

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl