[走進中國。雲南] 尋找課本上的花潮 @ 昆明 DAY 1

雲南呢個地方想去好耐，今次湊成四個人，馬上拍板出發。

首先從香港坐HKEXPRESS，因為都算係臨時決定，來回都要一千蚊，尚可接受。

經過3小時的機程，來到昆明<<長水機場>>。因為機場在郊外，所以我地先坐地鐵前往<<東部汽車站>>再轉公交。

曬到一個點...

突然間，眼前出現左熟悉的畫面，<<新巴>>? 呢度D車費都唔貴，1蚊人仔左右。

因為有個大背包，所以先到<<昆明火車站>>寄存，要收費的，不過價錢合理。同時也要係呢度再轉車。

寄存完行李，時間都唔早，要醫醫肚。 先來一碗雲南米線及小食。

而我地第一站就係去追尋中學讀書中文課的<<圓通山>>，想睇睇李廣田口中的花潮。

「昆明有個圓通寺。寺後就是圓通山。從前是一座荒山，現在是一個公園，就叫圓通公園。」

 不過原來<<圓通公園>>已經變成現在的<<昆明動物園>>。冇辦法，照入。

動物園當然有動物睇，不過唔好期望過高。

亦都有古蹟睇，明代古城牆就係其中之一。

我地周圍睇，終於見到一道碎寫住「圓通花潮」，終於搵到。

但我一朶花都睇唔到，更何況係潮。心想而家先四月頭，唔係咁快落哂呀!!!

心灰之下，唯有去下一景點。

就是在附近的<<翠湖公園>>，呢道真係風光明媚，不過會見到遠方的高樓，有點大剎風景。

不經不覺原來月亮已經悄悄升起。

在翠園入面有一道牆，貼滿徵婚通示，原來好多男人睇，師主小心騙局呀!!!

翠湖旁就是<<雲南大學>>及前國軍陸軍的<<講武堂>>，不過時間有限，經過就當到此一遊吧。

我地來到最後一個昆明的景點<<金馬碧雞坊>>，呢度有可能係昆明最熱烈的美食街之一。打完卡後，當然要搵食啦，天都黑哂了。

我地覺得中午的米線太hea太唔似樣，所以就係呢度揀左間睇落勁D既。就係要自己加好多料落去，然後再焗熟佢，過橋米線原來就係咁。

食完又要坐公車返昆明火車站，不得不提，在公車站遇到人問路，乜我地個樣似當地人咩。原來佢地係廣東來的背包客，可能聽到廣東話真係會有種其鄉遇故知的感覺。走既時侯，<<金馬碧雞坊>>已經著哂燈，好靚。

回到昆明站，拎返行李，我地可以上火車喇。

當然我地涼都冇沖，背包遊，忍一晚吧。九點鐘上左由<<昆明>>前往<<麗江>>的火車。

軟卧$141人仔左右，我地四個揀哂同一個卡位既中間同上層。千祈唔好揀下層，因為所有鞋都放下面，會臭到不能眠。而且冇咁安全呢。

揀夜車既目的，除左慳錢同可以爭取時間外，我都想體驗一下，旅遊就是要體驗嘛。

呢班車要坐九個鐘，昆明係尾站，差唔到到站會有人叫醒你，都可以係車上會洗臉刷牙。

麗江古城...聽就聽得多，今次終於來到了。

[走進中國。雲南] 尋找課本上的花潮 @ 昆明 DAY 1 https://goo.gl/77u17h

[走進中國。雲南] 跟著茶馬古道走 @ 麗江古城 DAY 2 https://goo.gl/hf6o8X

[走進中國。雲南] 來到月光古城 @ 香格里拉 DAY 3 https://goo.gl/gX35Wi
[走進中國。雲南] 雨崩遠征隊組成 @ 香格里拉 DAY 4 https://goo.gl/dDmSsT
[走進中國。雲南] 飛來寺大本營@ 香格里拉 DAY 5 https://goo.gl/M9JQUY
[走進中國。雲南] 世外桃園雨崩村@ 香格里拉 DAY 6 https://goo.gl/DW4aS8
[走進中國。雲南] 逃出雨崩12小時@香格里拉 DAY 7 https://goo.gl/FUoMLM
[走進中國。雲南] 日照金頂@ 香格里拉 DAY 8 ,9 https://goo.gl/QaG72b

—————————————————————

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl