[走進中國。雲南] 來到月光古城 @ 香格里拉 DAY 3

對包友黎講，有得沖涼當然要沖返夠本。

瞓醒一覺，沖返個靚涼，洗下衫，先出去食個早點。

在路上見到有地道既棵子，就試下。

我地想先去<<萬古樓>>睇下古城風景，但去到就發現盛惠80大元。對於我地D窮鬼，當然唔捨得。眼見旁邊的民房只收5大元，即刻衝上去。

呢度除左樓上露天CAFE，也有個大陽台睇風景，而且一點都唔遜色，5蚊真係好抵睇。

見仲有時間就古城都處走。出外旅行會有唔同既體會，其中最大既體會就係錢真係唔易搵。

係大陸，更加會見到到處徵婚既街招。咁靚女? 我真係覺得係天仙局黎!!!

其實古城仲有好多地方值得去睇，好似<<文昌宮>>一帶既景色都唔錯。

古城都有小學。

最後去返客棧附近的美食街午飯，呢度打著乜野台灣美食，但入口真係麻麻地，而且價錢真係唔平。如果唔想被坑既話，可到古城外。

其實原本我地係有諗過上<<玉龍雪山>>，不過發現原來一點都唔平，唔太適合我地窮遊，於是拿回背包，再見了<<大研古城>>。出返去<<紅太陽廣場>>對面，有8號公車，前往<<麗江客運站>>。

此時同行旅伴帶頭大佬-大師，竟然用純正的廣東話問司機大哥是否到「客運站」數次。

司機大哥雖然聽不懂，但可能估到「客運站」的音類似。在一輪的問答後，最後答是。

整個過程，我有段距離。但對不起，我們在遠處聽到也忍不住，笑了。

每人付六十七大元，坐大巴到<<香格里拉>>。公車班次都算密，每小時也開出一班。

時光隧道

途中會經過<<虎跳峽>>，今次冇時間入場囉

<<香格里拉>>的海拔在三千米以上，所以在中途，大約海拔三千米左右，耳仔就會有反應。幸好我一星期前已經啪左<<紅景天>>。雖然我唔肯定係咪真係有效，但起碼真係冇出現高山反應。

當到達<<香格里拉>>附近，沿途既風景也變得愈來愈藏式，有早原、牧場甚至佛塔，車程四個鐘。

其實公車只到<<香格里拉>>新城，一落車當然都係好受當地司機大哥歡迎。硬起心腸就是保護自己既方法，沒有之一。行前幾步，永遠都會有公車入古城，架車好型仔。

同行的彭生與藏族小姑娘。

穿過呢度門就係傳說中的月光古城<<獨克宗>>。

原來呢個時候已經黃昏了。一路向前後，就係大廣場。

廣場正有班大媽，睇真D其實係藏族大媽係度跳廣場舞。我都興奮地一齊跳，真係好有FEEL。

廣場後面是<<龜山公園>>及傳經筒。

其實呢次既旅程我地主要係跟住<<茶馬古道>>，時辰唔早，都係快D入古城搵客棧。

不過古城係早前已經被火燒了一半，而家只剩下一半古城，滿目滄然。

最後搵到間客棧，雙人房六十塊，有獨立獨所，算係咁。

晚餐我地選擇了樓下的藏族特色火鍋。

可能呢度係背包客天堂，所以好多留言，有特色。

<<氂牛肉火窩>>一定要試，因為係呢度既特產。

當然<<酥油茶>>都不能錯過，飲落似杏仁茶，好飲，好有大漠風味。

食飽散下步，夜遊古城。夜晚的<<月光古城>>真係好靚。

[走進中國。雲南] 尋找課本上的花潮 @ 昆明 DAY 1 https://goo.gl/77u17h

[走進中國。雲南] 跟著茶馬古道走 @ 麗江古城 DAY 2 https://goo.gl/hf6o8X

[走進中國。雲南] 來到月光古城 @ 香格里拉 DAY 3 https://goo.gl/gX35Wi
[走進中國。雲南] 雨崩遠征隊組成 @ 香格里拉 DAY 4 https://goo.gl/dDmSsT
[走進中國。雲南] 飛來寺大本營@ 香格里拉 DAY 5 https://goo.gl/M9JQUY
[走進中國。雲南] 世外桃園雨崩村@ 香格里拉 DAY 6 https://goo.gl/DW4aS8
[走進中國。雲南] 逃出雨崩12小時@香格里拉 DAY 7 https://goo.gl/FUoMLM
[走進中國。雲南] 日照金頂@ 香格里拉 DAY 8 ,9 https://goo.gl/QaG72b

—————————————————————

免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。

***歡迎合作聯絡合作，產品、食品、穿搭分享: dickyso3213@yahoo.com.hk

FACEBOOK: https://www.facebook.com/dick-6193303130/?ref=hl