呀妹生日，於是拉大隊去左大坑間<<九重鮮>>食蒸海鮮。
黎到餐廳門口都幾搶眼，上一層樓睇就到。
九重鮮是韓國餐廳，當然裝修都是韓風味十足。
每人座位都會有一SET餐具，有剪刀，腸手套及竹籤等，方便食海鮮。
今次一家人，大家見到有松葉蟹都流哂口水，所以就決定叫呢個餐喇。
勁大隻日本松葉蟹。
等上爐時，好快就上左泡菜四小碟，口味酸酸地，非常開胃。
最底層是雪濃湯粥底
一開始先來三層，插左支溫度計。
等到90度左右就可以食第一層啦。
第一層是松葉韓牛。
韓牛切得很薄，用底部蘿蔔片卷起牛肉，入口很香很濃牛肉味，好juicy呢。
第二層是花膠魚板串，一共四支。 每支都好大支，入口小小爽但又好黏口，很重花膠味。加埋魚片一齊食，口感都好夾。
第三層是松葉蟹的腳加身。餐廳已經幫手剪/切開哂，所以自己稍為動動手，就好易入口。
不得不提，蟹肉真係好鮮好滑。蟹身因為膏的關係仲好甜。
蟹腳真係好多肉架
食完呢層，侍應會上多三層。
第四層是海鮮大雜燴吧。海蛤，海蝦，海螺，八爪魚鬚，木瓜等等，真係好抵食。
海蝦及海螺就係我最愛，夠大隻又新鮮。車厘茄入口果下，水份爆出黎好爽。
第五層是蔬菜大雜燴吧，再加上勁大隻的青口。日本玉子口感又滑又香蛋味，出奇出的吃。
青口好鮮又大隻，愛吃之人不能錯過呢。
第六層是松葉蟹第二回。大蟹殼下原來仲暗藏玄機，就是魚子福袋喇。福袋給了我驚喜，入口又爽又有魚籽，好食。日本蕃薯及南瓜都好甜。
大蟹鉗是賣點，真的很大很多肉。仲要又滑又嫩。
到最後，當然是食收集哂咁多海鮮精華既粥底喇。
粥底夠稀，而且入口有好重蟹既鮮味又夠滑。此時侍應仲上多三小碟，包括紫菜等來給送粥。
一層一層咁食落黎真係層層都有驚喜。
飲品方面就點了濟州橙汁，大大隻，夠哂一家人飲。
--------------------------------------------------------------------------------------
地址:大坑浣紗街1-5號浣紗閤1樓
電話:2321 8998
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl
沒有留言:
張貼留言