近年韓燒店真係愈開愈多，今次重臨<<平昌 Premium>>同女朋友晚餐。
重臨的意思是一年前我黎呢度食過，今次餐廳唔知係轉左手定點，改了名。
餐廳的裝修似乎冇乜點改過，不過都係一樣咁整齊。
入座後，醬油會有三種，醬汁，豆瓣醬等一定唔少得啦。
一坐低就已經會上泡菜6小碟喇，等我地可以食住先，頂下肚餓嘛。
除左有生菜來包肉食，仲會有沙律食下，都真係幾開胃。
而家仍然沿用以前點餐的方法。
<<海帶湯>>，媽媽時常叫我食多D，因為海帶好健康。呢度有幾款湯飲，也有不少韓國熟食，好似拉麵，什錦飯等。
任叫的海鮮都真係吸引，以$198加一服務真係叫唔話得。
肉類其實都有好多選擇，不過我係海鮮控。
帆立貝，雞翼，蝦，鰻魚及牛肋骨肉，因為一開始太餓，所以就大雜會咁放落去燒。
好快就燒熟食得。雞翼入口很嫩，大蝦很鮮，蝦味很重，扇貝跟蒜蓉，味道很配合。至於鰻魚小小甜，牛肋骨肉入都幾煙韌及有水份。
呢個時候食<<蛋漿>>就剛剛好。蛋的香味入口真係好正。
薄切五花腩有驚喜，易熟又好味。
加了錢叫了鮑魚及大蝦各兩隻。
鮑魚及大蝦都好大隻，仲都加了芝士調味。
呢度D生蠔係任叫的，呢個時侯加埋生蠔落去燒。
大蝦的蝦味又鮮味真係好出，入口口感彈彈的。而鮑魚入口有點爽，不錯。 至於燒熟左既生蠔鮮得黎都有絲絲海水味。
飲品就出去自取，成間餐廳都有好幾個飲品雪櫃。
當然呢度係主打韓國飲品，不過相對於上次黎，飲品的種類少左，很想念以前有韓國啤酒飲的日子阿。
--------------------------------------------------------------------------------------
地址:佐敦彌敦道219號莊士倫敦廣場5樓
電話:5901 7080
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl
沒有留言:
張貼留言