女朋友生日飯，今年想有點氣氛，所以帶她落MINICLUB。
就在旺角火車站附近，位置方便又易搵。
餐廳雖然是酒吧格局，但裝修格調不失浪漫，場內有幾組摩天輪。
我發現，而家好多餐廳開始都用平板做餐單，呢間都唔例外。
坐低我地就先點左飲品<<What the Duck>>，呢款我認我係有預謀咁叫既。因為我女朋友實在太鍾意DUCK喇。黃鴨仔加上泡泡浴造型，真係太可愛喇。意想不到的是還有爆炸糖...真係....唔敢想像。飲落口，酸酸甜甜咁，加上爆炸糖，入口"達達"聲，好有口感。
我就點左杯<<long Island >>，慢慢嘴饞細味。
今晚的主菜是<<海鮮拼盤>>，賣相吸引又JUICY，有半隻熟龍蝦，半隻睡蟹，2隻鮑魚，翡翠螺，青口及玫瑰蝦。
龍蝦入口鮮甜，玫瑰蝦勁大條，真係好適合用JUICY黎形容。鮑魚入口又彈又甜，女友話最正。
不過我最驚喜的係隻睡蟹勁多膏，雖然得半隻，但係真係夠哂鮮甜同有肉。
再黎<<加拿大的海膽生蠔>>，一碟六隻，海膽+生蠔+蟹籽，呢個組合都好特別。特別係入口非常之有層次。個人覺得海膽的味道比生蠔重，但是我也比較喜歡海膽味多一點。
最後點了一個<<法式甜品拼盤>>生日精選。有馬卡龍，焦糖燉奶，木糠布甸等等的糕點甜品。個人黎講最愛就是焦糖燉奶，面層的焦糖小小甜，口感脆脆的。食落不會有膩口感，奶味幾濃郁。如果呢個拼盤有多個生日快樂牌就會更好。
--------------------------------------------------------------------------------------
地址:旺角太平道6號B地舖
電話:2782 6628
免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。
***歡迎合作聯絡合作，產品、食品、穿搭分享: dickyso3213@yahoo.com.hk
FACEBOOK: https://www.facebook.com/dick-6193303130/?ref=hl
沒有留言:
張貼留言